Mediatv.az saytı xarici KİV-ə istinadən xəbər verir ki, hesabatda Suriya, İraq, Yəmən və Liviyada vətəndaş müharibəsi və parçalanmaların digər ölkələrə də sıçrayacağı da vurğulanır. 

Sənəddə göstərilir ki, Səudiyyə Ərəbistanı neftin qiymətinin düşməsinin, İran isə anarxiyanın qurbanı olacaq.

Kəşfiyyat xidmətinin analizlərinə görə İraq və Suriyada İŞİD təhlükəsinə qarşı aparılan mübarizədə ABŞ elə də effektiv gücə malik deyil. Təhlillərdə bildirilir ki, Rusiya 2015-ci ildə Suriya ordusuna yardımları davam etdirməklə, Yaxın Şərqdə təsiredici gücə sahib olacaq.  

Sənəddə İsraillə HƏMAS arasındakı gərginliyin artacağı da istisna edilmir. Hesabatda o da bildirilir ki, İran, İraq, Yəmən, Suriyanın daxilindəki silahlı qruplaşmaların oxuna Misir, İordaniya, Səudiyyə Ərəbistanı və Qətər də qoşulacaq.