Yeni hökumət həmin seçkilərin nəticələri əsasında formalaşdırılacaq və yeni baş nazir təyin olunacaq.

Virtualaz.org saytı Qərb nəşrlərinə istinadən xəbər verir ki, yeni, növbədənkənar seçkilərə rəsmən start verən qanun 120 deputatdan 93-nün səsi ilə qəbul edilib. Sənədin əleyhinə heç kim səs verməyib. Bu qanunu qəbuluna səs verən deputatlar yeni seçkilərədək işləməkdə davam edəcəklər.

Baş nazir Benyamin Netanyahu səlahiyyət müddətinin bitməsinə iki il qalmış parlamenti buraxmaq barədə qərarı ötən həftə verib. O, hakim koalisiya daxilindəki münaqişədən çıxış yolu tapa bilmədiyi üçün bir neçə naziri vəzifədən azad etdi.

Sağçılar və onların lideri B.Netanyahu qarşıdakı seçkilərin də favorite sayılırlar. Sağçılar mart seçkilərində də qalib gəlsələr, Netanyahu artıq dördüncü dəfə dalbadal öz postunda qalacaq.