Mediatv.az xəbər verir ki, “Məhəmməd” adı siyahıda ölkə üçün ənənəvi olan Oliver, Cek, Noy, Harri, Çarli və Ceyms kimi adları geridə qoyaraq lider olmağı bacarıb.

Britaniyanın “The Mirror” qəzeti bu barədə araşdırma aparıb. Qəzetin baş redaktoru bildirib ki, ərəb adlarının son zamanlar belə geniş yayılmasına səbəb mədəni əlaqələrin inkişafıdır: “Müsəlman adlarının populyarlıq qazanması Britaniyada mədəni çoxnövlülüyün inkişafına dəlalət edir”.

Qeyd edək ki, ərəb ailələrində ənənəvi olaraq ilk doğulan oğlanı “Məhəmməd” adlandırırlar. 

Son dövrlərdə yeni doğulan oğlanlar arasında Ömər, Əli və İbrahim kimi adlar da populyarlıq qazanıb. 

Qadın adlarına gəldikdə isə, burada Sofi, Emili və Lili adları liderlik edir. Bununla yanaşı, reytinqə Məryəm və Nur kimi ərəb ölkələrində geniş yayılan adlar da daxil olub. Məryəm adı 59 adı üstələyərək 35-ci yerə çıxa bilib. Nur adı isə birinci dəfə reytinqə daxil olub və 29-cu yerdə qərarlaşıb.