ANS PRESS-in məlumatına görə, katoliklərin ruhani lideri Türkiyədə səfərdə olarkən İtaliyanın “Fiat” markalı avtomobilinin “Albea” modelini istifadə üçün tələb edib. Lakin Türkiyə hökuməti tərəfindən papanın tələbi geri çevrilib və onun üçün lüks avtomobil ayrılacağı bildirilib.

Papa Türkiyədə olduğu günlər ərzində İstanbulda beş ulduzlu oteldə qalmaq istəmədiyi üçün Şişlidə yerləşən Vatikan nümayəndəliyinin binasında qalacaq. Ətrafda geniş təhlükəsizlik tədbirləri alınacaq.

Türkiyə hökuməti Papanın səfəri çərçivəsində hər hansısa bir xoşagəlməz hadisənin olmaması üçün həmin günlərdə səyyar satıcıları küçələrdən yığışdıracaq, şəhərdəki bəzi inşaat işlərini dayandıracaq.