Məşhur amerikalı aktrisa, "Avqust: Oseyc qraflığı" və "Donmuş çay" filmlərində oynamış Misti Aphem 6 gün öncə yoxa çıxıb. 

Day.Az-ın məlumatına görə, bu barədə People xəbər yayıb.

Oktyabrın 6-da Mistinin atası onun itdiyi barədə məlumat verib. Sonuncu dəfə onu Vaşinqton ştatının Obern şəhərindəki evində görüblər. 

"Mümkün intihar xəbərini alan polis onun mənzilinə gəldi. Misti orada valideynlərilə yaşayırdı.  Zabitlər oraya gələn kimi qız əşyalarını yığıb evi tərk edib, ona görə onunla əlaqə yarada bilmədik", - polisdən bildirilib. 

Polisdən həmçinin bildirilib ki, Aphem əvvəllər də polisə belə zənglər edib, hətta bir neçə dəfə evdən qaçıb da.