Bu gün İrəvanda atəş səsləri eşidilib. 

Mediatv.az ın ans press-ə istinadən məlumatına görə, atəş İrəvanın mərkəzi küçələrindən birində qeydə alınıb.

İlkin məlumatlara görə, bir maşından başqa bir maşının içərisində olan şəxslərə atəş açılıb. Bir neçə nəfərin yaralandığı bildirilir.

Şahidlərin sözlərinə görə, hadisə zamanı “Rendj Rover” avtomobilindən atəş açılıb.

Mübahisənin səbəbləri dəqiqləşdirilir. Polis bildirib ki, hadisə zonasında güllələr aşkar edilib. Atəş açanların kimlər olduğu hələlik məlum deyil.

Hazırda hadisə yerində polislər araşdırma aparır.