Dünyada koronavirusa yoluxma hallarının ümumi sayı 8,2 milyonu ötüb, 445 mindən çox insan pandemiyanın qurbanı olub.
Mediatv.az RİA "Novosti" agentliyinə istinadla xəbər verir ki, bu barədə Ümumdünya Səhiyyə Təşkilatı (ÜST) bildirib.
Qeyd edilir ki, COVID-19-un qeydə alındığı ölkələrdə təhlükəli infeksiyaya yoluxma hallarının ümumi sayı 8 242 999-dur. Pandemiya ərzində koronavirusdan 445 535 pasiyent ölüb.
Dünyada ötən gün ərzində 181 232 yeni yoluxma, 5 245 ölüm qeydə alınıb.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.шаблоны для dle 11.2