Finlandiyada ötən sutkada koronavirusdan daha 23 ölüm və 155 yoluxma hadisəsi qeydə alınıb.
Mediatv.az “RİA Novosti”yə istinadən xəbər verir ki, bunu aprelin 23-də Finlandiyanın Səhiyyə və Sosial İnkişaf Qurumu açıqlayıb.
Məlumata görə, ümumilikdə ölkədə yoluxanların sayı 4 284-ə, ölənlərin sayı isə 172-yə çatıb. Ölənlərin orta yaşı 82-dir.
Yoluxma hallarının çoxu (2 855) paytaxt Helsinki regionunda qeydə alınıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 656 000-i ötüb. Bunların 729 910 nəfəri sağalıb, 185 192 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.шаблоны для dle 11.2