Rusiya Ağır Atletika Federasiyasının (RAAF) prezidenti Sergey Sırtsov istefa verib.

Mediatv.az TASS-a istinadən xəbər verir ki, qurumun rəhbəri səlahiyyətlərini Maksim Aqatipov icra edəcək.

“Baş verənlərlə bağlı kimsə cavab verməlidir. Bu addımı mən atdım”, - deyə Sırtsov bildirib. 

Xatırladaq ki, iyulun 29-da Beynəlxalq Ağırlıqqaldırma Federasiyası rusiyalı atletləri 2016-cı il Rio-de-Janeyro Yay Olimpiya Oyunlarında iştirakdan kənarlaşdırıb. Bu, antidopinq qaydalarındakı çoxsaylı pozuntularla əlaqədar olub. Eyni cəza Azərbaycan ağırlıqqaldıranlarına da tətbiq olunub.