Türkiyə vətəndaşı olan  hakimin FETÖ dindirilməsinin ardından  qeyri-qanuni yollarla Yunanıstanın Saqqız adasına keçərək sığınacaq istədiyi haqda  məlumat yayılıb.

Mediatv.az Anadolu Agentliyinə istinadən xəbər verir ki, Saqqız Adası Sahil Təhlükəsizlik xidmətindən verilən məlumata görə, 50 yaşındakı hakim səhər 06.00-da  6 nəfər suriyali miqrantı daşıyan bir qayıqla  adanın Aya Eleni sahilinə  keçib.

Sahil Təhlükəsizlik Xidmətinin əməkdaşları tərəfindən mərkəzə gətirilən hakimin, siyasi sığınacaq istədiyi məlum olub.  Səlahiyyətlilər  türk hakimin ölkəyə qeyri-qanuni yolla daxil olması ittihamı ilə onun prokurorluğa sövq edildiyini deyiblər. Yunan mətbuatının yazdığına  görə,  hakimin  sığınacaq istəməsi  tələbi əsasında  əməliyyatların həyata keçirilməsi üçün onu Afinaya aparacaqlar. Hələlik hakimin kimliyi gizli saxlanılır.