Türkiyədə FETÖ təşkilatına maddi dəstək göstərdiyi üzə çıxan veteran futbolçu və keçmiş millət vəkili Hakan Şükürün və atası Selmet Şükürün 7 şirkətdə pay sahibi olduğu məlum olub.

Mediatv.az  “Doğan” agentliyinə istinadən  xəbər verir ki, bu şirkətlərdə 30-60 faiz arası pay sahibi olan ailənin var-dövlətinin həcmi 200 milyon lirədən artıqdır.

Bundan başqa, mülklərinə həbs qoyulan Şükür ailəsinin Sakarya vilayətində 36 daşınmaz əmlaka sahib olduğu üzə çıxıb. Məhkəmə onların 5 lüks avtomobilini də qeydə alıb.

Bildirilir ki, dövlət çevrilişinə cəhddən əvvəl ölkədən qaçmış Hakan Şükür və bir neçə gün əvvəl həbs edilmiş atasının İstanbulun mərkəzində iki evi, Sakarya, Kocaeli, Bodrum və İstanbulda bağ evləri, Serdivan adlanan ərazidə isə 16 villa, 24 mənzil və 3 ofisdən ibarət kompleksi var. Sakaryanın Serdivan rayonundakı həmin kompleksin dəyərinin 30 milyon lirədən çox olduğu bildirilir.