Rusiya prezidenti Vladimir Putin Türkiyəyə qarşı 2015-ci il noyabrın 28-də qüvvəyə minən xüsusi iqtisadi sanksiyalar haqda qərara dəyişiklik edib.

Mediatv.az bu barədə Rusiya KİV-nə istinadən xəbər verir. 

Məlumata əsasən, “Rusiyanın milli təhlükəsizliyinin qorunması və Türkiyəyə qarşı xüsusi iqtisadi sanksiyaların tətbiq olunması” haqda fərmana dəyişiklik edilib.

Əgər daha əvvəl sanksiyalar Türkiyənin yurisdiksiyası altında olan şirkətlərə şamil edilirdisə, yeni qanuna əsasən Türkiyə vətəndaşının sahib olduğu bütün şirkətlər Rusiya ərazisində fəaliyyət göstərə bilməz. 

Xatırladaq ki, Rusiyaya məxsus qırıcı təyyarə noyabrın 24-ü Türkiyənin Suriya ilə sərhədindəki Hatay vilayətində vurulub. Hərbi təyyarə Türkmən dağı ərazisindəki Qızıldağ istiqamətində yerə düşüb. Pilotlar katapulta etsələr də, onlardan biri ölüb. Digər pilotlar isə xüsusi təyinatlıların keçirdiyi 12 saatlıq əməliyyat nəticəsində xilas edilib. Bundan sonra Rusiya və Türkiyə arasında münasibətlər kəskinləşib. Bundan sonra Rusiya birtərəfli qaydada Türkiyəyə iqtisadi sanksiyalar tətbiq etməyə başlayıb.