PKK-nın Suriya orbitində olan YPG, YPJ, “Süryani Ordu Şurası”, “Burkan əl Fırat”, “Suvar əl Rəqa”, “Şəms əl Şemal”, “Liva əl Səlçuki”, “Əl Cəzirə Briqadası” silahlı qruplaşmaları birgə yaydıqları bəyanatda vahid təşkilat altında birləşdiklərini bəyan ediblər.

Avropa.info xəbər verir ki, yeni hərbi koalisiya “Demokratik Suriya Silahlı Qüvvələri” adını daşıyacaq. Bəyanatı Haseke şəhərində iki saat davam edən iclasın yekununda “Senadid qüvvələri” təşkilatının nümayəndəsi Şex Bender Himedi Əl Deham oxuyub.

 Deham “Demokratik Suriya Silahlı Qüvvələri”nə qoşulan bütün silahlı qrupların Suriyanın gələcəyini müəyyən edəcəyini deyib. Ərəb, kürdü süryani, assur, türkmən etnik azlıqlarının iştirak etdiyi iclasda əsas məqsədin İŞİD-ə qarşı mübarizədə qüvvələrin birləşdirilməsinin vacib olduğunu bildirilib. O, YPG və müttəfiqlərinə verilən beynəlxalq dəstəyə görə təşəkkürünü bildirib. İclasın sonunda “Birləşmiş Ordu Məclisi”nin qurulduğu bildirilib. 

Qeyd edək ki, bir neçə gün əvvəl ABŞ PYD nəzarətində olan Hasekeye 50 ton silah və sursat göndərdiyini bildirmişdi. Silahın Suriyanın Əsəd əleyhdarı ərəb qruplara verildiyi deyilsə də, PYF həmsədri Salih Müslim silahın özlərinə verildiyini təsdiq etmişdi.