Tacikistanda qiyamçı general, sabiq Müdafiə naziri müavini Əbdülhəlim Nazarzodun daha 7 tərəfdarı saxlanılıb, Ramit dərəsində keçirilən xüsusi əməliyyat zamanı 1 nəfər öldürülüb.

Mediatv.az xəbər verir ki, bu haqda ölkə DİN-i məlumat yayıb. Nazirlikdən bildiriliblər ki, qiyamçı dəstənin öldürülən üzvü saxlanılarkən müqavimət göstərib. Qruplaşmadan 8 avtomat, sursat, böyük miqdarda patron müsadirə edilib.

Tacikistan bu gün müstəqillik gününü qeyd edir. Paytaxt Düşənbədə təhlükəsizlik tədbirləri ən üst səviyyəyə gətirilib.

Qeyd edək ki, qiyamçı generalın dəstəsinin tərksilahı ilə bağlı beş sutkadır əməliyyat gedir.