Bunu Trend-ə Rusiya Elmlər Akademiyasının Dünya İqtisadiyyatı və Beynəlxalq Münasibətlər İnstitutunun Beynəlxalq Təhlükəsizlik Mərkəzinin və Şərqşünaslıq İnstitutunun Yaxın və Orta Şərq şöbəsinin baş elmi əməkdaşı Vladimir Sotnikov deyib.

O bildirib ki, daha əvvəl verilmiş məlumata görə, Rusiya Prezidenti Vladimir Putin Tehrana dəvət olunub: "Əgər Putinin səfəri baş tutsa, tərəflər bu məsələni həll edəcəklər. Ümumilikdə Rusiya və İran arasında kifayət qədər qarşılıqlı etibar doğuran münasibətlər yaranıb, Rusiya İranın nüvə proqramı üzrə tarixi sazişin əldə edilməsi üçün çox şey etdi".

V.Sotnikov qeyd edib ki, danışıqların aparıldığı illər ərzində, xüsusilə də 2013-cü ilin noyabrında ilkin saziş bağlandıqdan sonra Rusiya diplomatiyası bu tarixi razılaşmanın imzalanmasına mərhələli yanaşmanın olması üçün hər şey etdi: "Rusiya və İran arasında etibarlı münasibətlər var və məsələ bütünlüklə həll ediləcək, mövcud məsələnin detalları isə yüksək səviyyədə nəzərdən keçiriləcək".