Rusiya İstintaq Komitəsi Nijni Novqorodda kütləvi qətlə gətirib çıxarmış səhlənkarlıq işi üzrə 5 polis əməkdaşından ikisini saxlayıb.

APA-nın Rusiya İstintaq Komitəsinin saytına istinadən verdiyi məlumata görə, müəyyən edilib ki, sahə müvəkkili Vladimir Filimonov və onun rəisi Viktor Miller şübhəli şəxs qismində saxlanılanOleq Belovun həyat yoldaşının müraciətlərinə 4 dəfə rədd cavabı veriblər.
 
Yaxın zamanlarda istintaq həmin şəxslər barədə həbs-qəti imkan tədbirinin seçilməsi ilə bağlı məhkəməyə müraciət etməyi planlaşdırır.
 
Qeyd edək ki, bir neçə gün bundan öncə Nijni Novqorodda evdə ana və 6 uşağının hissələrə ayrılmış meyidi aşkarlanıb. İstintaq müəyyən edib ki, öldürülənlər Oleq Belovun həyat yoldaşı və 6 uşağıdır.

O. Belov saxlanılaraq istintaqa təhvil verilib.

Mediatv.az