Son 6 ay ərzində 7 nəfər Belarusda qaçqın statusu alıb. Onlardan beşi Əfqanıstan, digərləri isə Livan və Suriya vətəndaşlarıdır.

Mediatv.az azvision.az-a istinadən bildirir ki, bu barədə Belarusun Daxili İşlər Nazirliyi xəbər verir.

Bu müddət ərzində 392 ukraynalı, 27 suriyalı, 7 liviyalı və bir livanlı əlavə qorunma statusu alıb.

Ümumilikdə qaçqın və əlavə qorunma statusu almaq üçün 599 nəfər Belarus hökumətinə müraciət edib. Onlardan 457-i Ukrayna, 77-si Suriya, 24-ü Əfqanıstan, 12-si İraq, 7-si Gürcüstan, 7-si Yəmən vətəndaşıdır. Müraciət edənlər arasında bir nəfər Azərbaycan vətəndaşı da var.

Qeyd edək ki, 1997-ci ildən bəri Belarusda 910 nəfər qaçqın statusu alıb. Onlardan 30-u azərbaycanlıdır.