Ötən gecə Rusiyanın Kabardin Balkar Respublikasının Nalçik şəhərində rayon polis bölməsinin qərargah rəisi qətlə yetirilib.

APA-nın xəbərinə görə, Kabardin Balkar Respublikası Daxili İşlər Nazirliyinin məlumatında bildirilir ki, iki naməlum şəxs Çereksk rayon polis bölməsinin qərargah rəisi, polkovnik Kahir Quziyevin evinə daxil olaraq onu güllələyib.

Kabardin Balkar daxili işlər nazirinin əmri ilə şübhəli şəxslərin tutulması istiqamətində "Vulkan-4" planı üzrə kompleks əməliyyat-axtarış tədbirləri həyata keçirilir.

Faktla bağlı cinayət işi başlanılıb.

Mediatv.az