Mediatv.az  Türkiyə mediasının yaydığı xəbərə istinadən bildirir ki, “Əbu Hanzala” kod adlı Halis Bayuncuk əslən azərbaycanlıdır və 16 ildə onun adı müxtəlif terror təşkilatları, o cümlədən Əl Qaidənin İstanbuldakı idarəçisi kimi hallanıb. Ramazan bayramında qılınan namazda İŞİD-i təbliğ edən Halis cihada çağırışı ilə Türkiyəni də təhdid etmişdi.    Onun arvadı da həbs edilib. İŞİD-in bəzi qaynaqlarda azərbaycanlı, bəzi mənbələrdə çeçen kimi təqdim edilən üzvü Abdulla Abdullayev də saxlanıb. Onlar Suriyaya döyüşçü göndərməkdə ittiham olunur. 

  Baş nazir Əhməd Davudoğlunun keçirdiyi toplantıda verilən qərardan sonra ölkədə kütləvi həbslər başlanıb. İŞİD, PKK və DHKP-C təşkilatlarına qarşı keçirilən əməliyyatlarda 297 nəfər saxlanıb.