Ukraynada əməkhaqları ödənilməyən mindən çox mədənçi prezident administrasiyası qarşısına toplaşıb. 

“Qafqazinfo” Ukrayna KİV-nə istinadən xəbər verir ki, ölkənin hər yerindən paytaxta axın edən mədənçilər Kievin mərkəzi küçələrində nəqliyyatın hərəkətini iflic edəcəklərini bəyan ediblər. Parlament binasına doğru irəliləyən fəhlələr deputatların diqqətini mədənçilərin sosial problemlərinə çəkmək niyyətindədirlər.

Ukraynanın bütün kömür müəssisələrinin işçilərini ayağa qaldıran əsas səbəb isə parlamentin mədənləri bağlamaqla bağlı qərarıdır. Qeyd edək ki, daha əvvəl baş nazir Arseniy Yaçenyuk açıqlama verərək bütün perspektivli mədənlərin Donbassda qaldığını bildirmişdi.