Modern.az-ın xarici ölkə KİV-lərinə istinadən verdiyi xəbərə görə, Pakistan ordusunun Talibana qarşı apardığı əməliyyatlar nəticəsində 30 təşkilat üzvü öldürülüb.

Pakistan ordusu rəhbərliyinin sözlərinə görə, Xeybərin Əfqanıstan sərhədindəki Tirah Vadisində, "Pakistan Talibanı" nəzarəti altındakı "Leşker-i İslam terror təşkilatı" üzvlərinin sığındığı məntəqələrə hava hücumları təşkil edilib. Əməliyyat nəticəsində 30 təşkilat üzvünün və iki sursat anbarı məhv edilib.

Xatırladaq ki, Pakistan ordusu iyun ayında Şimali Veziristanda, oktyabr ayında isə Xeybər bölgəsində Talibana qarşı geniş miqyaslı əməliyyatlara başlayıb. Bu günə qədər əməliyyatlar nəticəsində öldürülən taliblərin sayı 2400-ü aşıb.