Bu barədə AzVision.az “Associated Press”-ə istinadən xəbər verir. 

Polisin məlumatına görə, naməlum şəxs Viktoriya və Cermeyn Simsin evinə daxil olaraq evdəkiləri atəşə tutub. Nəticədə valideynlər və onların 9 yaşlı qızı həlak olub. Ailənin digər üzvləri – 6 yaşlı oğul və 14 yaşlı qız sağ qalsa da, onların vəziyyətinin ağır olduğu bildirilir. 

Qatilin hüquq-mühafizə orqanları əməkdaşları tərəfindən tutulduğu bildirilir. 

Sims ailəsinin qonşuları bildirib ki, hadisə yerində çoxlu sayda qan olub. Həlak olan valideynlərin övladları qonşu treylerə yaxınlaşaraq onlardan kömək istəyib.