Rusiyanın Krasnoyarsk diyarının Lesosibirsk şəhərində 51 yaşlı nənə 5 yaşlı nəvəsini bıçaqlayıb

Mediatv.AZ xəbər verir ki, bu haqda məlumatı “İnterfaks” agentliyi yayıb.

Məlumatda deyilir ki, nənə 5 və 13 yaşlı oğul nəvələrini görmək üçün onların yaşadığı evə qonaq gəlib. Spirtli içkinin qəbulundan sonra nənə 5 yaşlı uşağa çoxsaylı bıçaq zərbələri endirib. Bu vaxt uşaqların valideynləri qonşu otaqda olub. Onlar məlum hadisədən sonra uşağa tibbi yardım göstərməyiblər. Yalnız səhərisi gün həkimə müraciət etməli olublar.

Əməliyyat edilən 5 yaşlı uşağın vəziyyəti orta ağır hesab edilir.

Müstəntiqlərin fikrincə, nənə nəvədən nəyisə etməyi xahiş edib. O, isə buna məhəl qoymayıb. Nəticədə hirslənən nənə uşağa 3 bıçaq zərbəsi vurub.

Saxlanılan nənə haqda cinayət işi açılıb. Ailənin bütün yaşlı üzvlərinin psixi ekspertizadan keçiriləcəyi gözlənilir.