“Saakaşvilinin partiyası bir daha Gürcüstanda hakimiyyətə qayıda bilməyəcək”.

 

Bu açıqlama ilə Gürcüstanın eks-baş naziri Bidzina İvanişvili çıxış edib.

 

O, Saakaşvilinin yenidən hakimiyyətə qayıtması üçün lazımi resursunun olmadığını bildirib:

 

“Heç kimdə onların iğtişaş törətmək arzularının olmasıyla bağlı şübhə yoxdur. Allah eləməsin ki, Gürcüstanda iğtişaşlar olsun, amma olsa belə, onlar hakimiyyətə gələ bilməyəcəklər. Gürcü xalqı o qədər də axmaq deyil ki, ikinci dəfə bu səhvə yol versin”.

 

Qeyd edək ki, bundan öncə Gürcüstan mətbuatı yaz ayında Saakaşvilinin yenidən hakimiyyətə gətirilməsi üçün hazırlıqların aparıldığını bildirmişdi.