Bu barədə Müdafiə Qüvvələrinin Birgə Mətbuat Mərkəzindən məlumat verilib.
“Dövlət bayrağı yenidən Storojiv üzərində dalğalanır və biz bütün Ukrayna torpaqlarını azad edənə qədər hər yaşayış məntəqəsində belə olacaq. Dəniz Piyadaları Korpusunun 35-ci Əlahiddə Briqadasına təşəkkürlər. Kontr-admiral Mixail Ostroqradski”, - mesajda deyilir.
Bu barədə Mediatv.az ruslovoidilo.ua-ya istinadən məlumat verir.
Azad edilmədə iştirak edən piyadalardan birinin sözlərinə görə, əməliyyat səhər saat 5 radələrində başlayıb: hərbçilər zirehli maşınlardan düşərək hücuma başlayıblar. Əvvəlcə işğalçılar müqavimət göstəriblər, hücumu artilleriya ilə yatırmağa çalışıblar, lakin Ukrayna Silahlı Qüvvələri axını öz xeyrinə çevirə bilib.
Kəndin azad edilməsi zamanı 50-yə yaxın işğalçı məhv edilib, 4 əsgər əsir götürülüb.
Xatırladaq ki, bu ərəfədə Ukrayna hərbçilərinin Donetsk vilayətinin Blaqodatnoye kəndini azad etdiyi məlum olub.
Hələ iyunun 10-da Donetsk vilayətinin Novopavlovsk istiqamətində yerləşən Neskuchnoye kəndi işğaldan azad edilib.шаблоны для dle 11.2