Sərnişin avtobusunda cibgirlik edən Bakı şəhər sakini Nigar İbrahimova saxlanılıb.

"Mediatv.az"-ın Daxili İşlər Nazirliyinin mətbuat xidmətinə istinadən məlumatına görə, oğurluq hadisəsi dekabrın 6-da 202 saylı avtobusunda törədilib.

Bakı şəhər sakini Ayxan Əliyevin cibindən içərisində 131 manatı və şəxsiyyət vəsiqəsi olan pul kisəsi oğurlanıb. Binəqədi rayon polis əməkdaşlarının həyata keçirdikləri əməliyyat-axtarış tədbirləri nəticəsində hadisəni törətdən Bakı şəhər sakini Nigar İbrahimova saxlanılıb. 

Faktla bağlı araşdırılma aparılır.