Bu barədə İnterpress.az saytına teatrın direktoru Elmin Bədəlov məlumat verib. 

O, teatrın yerləşdiyi binanın giriş qapısının açarının dəyişdirildiyini və qapının rəngləndiyini deyib: “Teatrın qapısının açarı dəyişdirilib, rənglənib. İndi icarədar Fərhad Məmmədovla görüşməyə gedirəm. Ev sahibi deyir ki, polislər ona təzyiq edib. Deyiblər ki, o gənclər müxalifətçidir. Bizim aktyorların heç bir partiya mənsubiyyəti yoxdur. Bir illik müqavilə bağlamışıq və bu ayın kirayəsini də əvvəlcədən odəmişəm. Indi ev sahibi ilə görüşə gedirəm ".

Bundan əlavə Elmin Bədəlov bildirir ki, qeydiyyatda olduğu Biləsuvar rayonundakı evlərinə polis əməkdaşları gedərək qohumları ilə söhbət aparıb. "Polis idarəsinə zəng etdim və məni axtarmaqlarının səbəbini soruşdum. Onlar mənə bu barədə məlumatlı olmadıqlarını, araşdırdıqdan sonra cavab verəcəklərini dedilər".

Qeyd edək ki, ODA teatrı Bakının Əlövsət Quliyev 115 ünvanında yerləşən binada fəaliyyət göstərirdi.