Ötən gün Şıxov qəsəbəsində uçan piyada keçidinin kimə məxsus olması məlum olub. 

“Mediatv.az”ın əldə etdiyi məlumata görə, sözügedən “Grand Park” keçmiş prokuror Şükür Rzayevə məxsusdur. Ş. Rzayev 1994-1998-ci illərdə Bakı Şəhər prokuroru vəzifəsində çalışıb.

Onu da qeyd edək ki, Ş. Rzayev millət vəkili Rövşən Rzayevin atası olub. 

Xatırladaq ki, ötən gün Səbail rayonu, Bakı-Salyan yolu üzərində quraşdırılmış yerüstü piyada keçidi yükqaldırıcı kran maşınının sürətlə ona dəyməsi nəticəsində uçub. Hadisə nəticəsində ümumilikdə 6 nəfər yaralanıb.

Onu da qeyd edək ki, Ş. Rzayev bir neçə il əvvəl vəfat etsə də, "Grand Park"-ın mülkiyyət sənədlərində heç bir dəyişiklik edilməyib və hazırda da mərkəzin hüquqi sahibi mərhum prokurordur.