L.Quliyevanın vəkili Fəxrəddin Mehdiyev də müvafiq müraciətinin cavabsız qaldığını söyləyib. "Yeni Müsavat" vəkillərin müvəkkilləri ilə görüş üçün Penitensiar Xidmətə etdikləri müraciətə cavab verilməməsinin səbəbini öyrənmək üçün quruma sorğu göndərib. 

Sorğuda adı çəkilən vəkillərə müvəkkilləri ilə görüşə icazə verilməməsinin səbəbinə aydınlıq gətirilməsi xahiş olunub. Sorğumuza veiləcək cavabı da təqdim edəcəyik. 

Xatırladaq ki, L.Quliyeva və onun nişanlısı olmuş V.Əliyev 2003-cü ilin mayında o dövrdə Şəmkirin icra başçısı olan Aslan Aslanovun oğlu Ruslanı öldürməkdə suçlu biliniblər.

L.Quliyeva 10 il, V.Əliyev isə ömürlük azadlıqdan məhrumetmə cəzasına məhkum olunublar.  L.Quliyevanın həbs müddəti 2012-ci ildə 5 il 6 ay müddətinə uzadılıb. Əgər bu qərar olmasaydı, 15 yaşında həbs olunan məhkum qadın 2013-cü ilin mayında azad olunmalı idi. Belə iddialar var ki, L.Quliyevanın həbs müddəti A.Aslanovun sifarişi ilə uzadılıb.