Xəbər verdiyimiz kimi noyabrın 29-da Azərbaycan Prezidentinin sərəncamı ilə Mariana Toteva Vasileva gənclər və idman nazirinin müavini vəzifəsinə təyin olunub. Yeniavaz.com xəbər verir ki, M. Vasilevanın nazir müavini təyin olunmasından sonra onun iştirakı ilə 3 il əvvəl törədilmiş qəza gündəmə gəlib.
Belə ki, 2018-ci ilin dekabr ayında M. Vasileva sürücüsü olduğu "Audi-Q3" markalı avtomobillə “Koroğlu”da yerləşən “Bravo” hipermarketinə girmiş, qəzadan sonra həmin maşının dövlət nömrə nişanını çıxarmışdı. Həmin vaxt o, Azərbaycanın bədii gimnastika yığmasının baş məşqçisi vəzifəsini icra edirdi.
