Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti (DƏMX) müəssisələrdə əməyin mühafizəsinin təşkili vəziyyətini yoxlayıb.

Bu barədə virtualaz.org saytına nazirliyin İctimaiyyətlə əlaqələr şöbəsinin rəhbəri Elman Babayev məlumat verib.

E.Babayev deyib ki, yoxlama zamanı işçilər üçün sağlam və təhlükəsiz əmək şəraitinin yaradılmasına nəzarət edilib: “İstehsalat qəzaları ilə bağlı statistika göstərir ki, son aylar işdə bədbəxt hadisələrin sayı azalır. Belə ki, iyulda 11 istehsalat qəzası qeydə alınıb. Bu isə ötən ilin müvafiq dövrü ilə müqayisədə 48 faiz azdır. Ötən ay istehsalatla əlaqəli qrup halında bir bədbəxt hadisə baş verib”.

Həmin hadisələr nəticəsində 4 nəfər i dünyasını dəyişib, 8 nəfər isə xəsarət alıb.