Bu barədə virtualaz.org saytına nazirliyin İctimaiyyətlə əlaqələr şöbəsinin rəhbəri Elman Babayev bildirib. Onun sözlərinə görə, yeni layihə tələbə və məzunların əmək bazarına inteqrasiyasının sürətləndirilməsinə və öz ixtisasları üzrə praktik bacarıqlara yiyələnmələrinə şərait yaradacaq.

Qeyd edək ki, ƏƏSMN və Dünya Bankının birgə icra etdiyi “Sosial Müdafiənin İnkişafı Layihəsi”nin alt-layihələrindən biri də “virtual müəssisələrin yaradılması və fəaliyyətə başlaması” layihəsidir. Layihə üzrə artıq Azərbaycan Dövlət İqtisad və Xəzər universitetlərinin bazasında belə müəssisələrin yaradılması işlərinə başlanıb. Azərbaycan artıq sayı 7500 olan virtual müəssisələrin üzvlər şəbəkəsinə qəbul olunub. İlkin mərhələdə tələbə və məzunlar üçün nəzərdə tutulan layihə gələcəkdə ilk dəfə iş axtaran gəncləri, fərdi sahibkarlıq fəaliyyətinə başlamaq istəyənləri də əhatə edəcək. Yaxın vaxtlarda layihə geniş ictimaiyyətə təqdim olunacaq.