Virtualaz.org saytının müxbirinin verdiyi məlumata görə, hakim Cavid Hüseynov deyib ki, dövlət ittihamçısı Eldar Həmzəyev səhhəti ilə bağlı Türkiyədə müalicədədir. O, səhhəti ilə bağlı məzuniyyət çıxıb.

Hakim C.Hüseynov prosesin mayın 16-na saat 14:00-a təxirə salındığını deyib. Xatırladaq ki, A.Kəsəmənli ötən llin iyun ayında həbsdən azad olunub. Cəmisi 3 ay sonra isə təkrar həbsxana həyatı yaşamalı olub. Sentyabrın 17-də A.Kəsəmənliyə qarşı cinayət işi açılıb. Bu dəfə o, narkotik istifadəçisi kimi həbs olunub.

İlk gündən etibarən mətbuatda A.Kəsəmənlinin günahsız yerə həbs olunması ilə bağlı xəbərlər yer alıb. Həbsxanada cəza çəkdiyi müddətdə onun idmanla məşğul olması, namaz qılması, dinə bağlılığı, ümumiyyətlə, narkotikdən istifadə etməməsi deyilirdi.

Qeyd edək ki, Araz Kəsəmənli mərhum nəğməkar-şair Nüsrət Kəsəmənlinin oğludur. O, 1998-ci ildə qeyri-rəsmi yaşadığı qadını qətlə yetirməkdə ittiham olunaraq 15 il həbsxana həyatı yaşayıb.