20 sentyabr 2016-cı il tarixdə Nərimanov rayonunda fəaliyyət göstərən “Təfəkkür” UniversitetindəNərimanov Rayon Gənclər və İdman İdarəsinin təşkilatçılığı ilənarkomaniyaya qarşı mübarizə mövzusunda “ÜmidSİZsiniz!” adlı konfrans keçirilib.

Mediatv.az xəbər verir ki, konfransda Nərimanov Rayon Gənclər və İdman İdarəsinin baş məsləhətçisi Elnarə Kazımova, “Mənim təhsilim, mənim gələcəyim” adlı kampaniyanın rəhbəri Rəşad Bayramov, Azərbaycan Kooperasiya Universitetinin Tələbə-Gənclər Təşkilatınınsədri Tamerlan Əkbərov, “Təfəkkür” Universitetinin Tələbə-Gənclər Təşkilatının sədr müavini Asəf Cabbarlı, ali və orta ixtisas təhsil müəssisələnin tələbələri iştirak etmişlər.

Tədbirdə “Mənim təhsilim, mənim gələcəyim” adlı kampaniyanın rəhbəri Rəşad Bayramov, Azərbaycan Kooperasiya Universitetinin Tələbə-Gənclər Təşkilatınınsədri Tamerlan Əkbərov, “Təfəkkür” Universitetinin Tələbə-Gənclər Təşkilatının sədr müavini Asəf Cabbarlı, “Odlar Yurdu” Universitetinin Tələbə-Gənclər Təşkilatının sədr müavini Sevda Ömərova, “Təfəkkür” Universitetinin tələbəsi Şəms İbrahimzadə və Azərbaycan Kooperasiya Universitetinin tələbəsi Rüstəm Rüstəmli çıxış edərəkölkəmizdə həm təhsil, həm də asudə vaxtın səmərəli keçirilməsində gənclər üçün hər cür şəraitin yaradıldığı bir dövrdə narkotikdən istifadə edilməsinin milli-mənəvi dəyərlərə zidd, Vətənə, torpağa, ailəyə xəyanət olduğunu vurğulamış və gəncləri, həmçinin bütün cəmiyyəti ictimaiyyətdə bu bəlaya düçar olmuş insanlara biganə qalmamağa, onları doğru yola çəkməyə səsləmişlər.

Çıxış edən natiqlər narkomaniyanın cəmiyyət üçün böyük bəla olduğunu və onun “ağ ölüm” adlandırıldığını vurğulayan çıxışçılar gəncləri bu bəladan yaxa qurtarmaq üçün narkomaniyaya düçar olmuş insanları doğru yola çəkməyə, onlara kömək etməyə çağırmışlar. Diqqətə çatdırılmışdır ki, bu təhlükəli xəstəliklə mübarizədə maarifləndirmə işlərinə, idmanın kütləviliyinin artırılmasına ehtiyac duyulur, eyni zamanda, orta və ali təhsil məktəblərdə bədən tərbiyəsi dərslərinin keyfiyyəti artırılmalıdır ki, yeniyetmələr zərərli vərdişlərdən uzaq dursunlar.