"Mən Gələcəyimə Səs Verirəm" adlı layihənin bağlanışı keçirilib.

Mediatv.az xəbər verir ki, 5-15 oktyabr 2015-ci il tarixlərində Azərbaycan Respublikasının Prezidenti yanında Gənclər Fondunun maliyyə dəstəyi, Nərimanov Rayon Gənclər və İdman İdarəsinin və "Yeni Gələcək" Gənclərin Maarifləndirilməsi İctimai Birliyinin birgə təşkilatçılığı ilə "Mən Gələcəyimə Səs Verirəm" adlı layihə çərçivəsində 10 ali və orta ixtisas təhsil müəssisələrində: Azərbaycan Kooperasiya Universitetinin, Bakı Biznes və Kooperasiya Kollecin, Azərbaycan Turizm və Menecment Universitetinin əsas və ikinci korpuslarının,  Azərbaycan Müəllimlər İnstitutunun, Bakı İdarəetmə və Texnologiya Kollecin, "Təfəkkür" Universitetinin, "Bakı Avrasiya" Universitetinin, Azərbaycan Dövlət Bədən Tərbiyəsi və İdman Akademiyasının və Bakı Sosial Pedaqoji Kollecin ilk dəfə səs verəcək tələbələri ilə görüşlər keçirilmişdir.

Layihənin keçirilməsində məqsəd 18 yaşına yeni çatmış və ilk dəfə səs verəcək gənclərin seçki prosesi ilə yaxından tanış edilməsi, onların bu proseslə bağlı maarifləndirilməsi, hüquqlarının öyrənilməsi, eyni zamanda gənclərin seçkilərdə yaxından iştirakını cəlb edilməsidir.

Layihənin bağlanış mərasimi 28 oktyabr 2015-ci il tarixdə Nərimanov Rayon Gənclər və İdman İdarəsinin iclas zalında keçirilmişdir. Ümumiyyətlə layihədə 650 nəfər ilk dəfə səs verəcək gənc iştirak etmişdir.