Azərbaycan Respublikası Milli Məclisinə 121 saylı Laçın seçki dairəsindən deputatlığa namizəd, iqtisad elmləri üzrə fəlsəfə doktoru Mahir Abbaszadə seçicilərlə növbəti görüş keçirib.

Mediatv.az- ın məlumatına görə Mahir Abbaszadə Sumqayıt, Abşeron və Yasamal, Binəqədi, Qaradağ rayonlarının ardından Bakının Suraxanı rayon Yeni Günəşli qəsəbəsində, məskunlaşan laçınlı seçicilərlə görüşüb.

Seçicilərin böyük fəallıq və maraq göstərdikləri görüşlərdə Mahir Abbaszadə əsası ulu öndər Heydər Əliyev tərəfindən qoyulan və Azərbaycan Prezidenti İlham Əliyevin uğurla davam etdirdiyi daxili və xarici siyasət, son illərdə Azərbaycanda reallaşdırılan layihələr, sosial-iqtisadi inkişaf, insanların sosial rifahının yüksəldilməsi, qarşıya çıxan problemlərin həlli üçün görülən işlər barədə geniş danışıb.O qeyd edib ki, Ermənistanın Azərbaycana hərbi təcavüzü nəticəsində doğma yurdlarından, ev-eşiyindən didərgin düşən məcburi köçkünlərin, o cümlədən Laçınlılı köçkünlərin problemlərinin həlli daimi dövlətin diqqət mərkəzində olub, Prezident İlham Əliyevin rəhbərliyi və tapşırıqları ilə bu sahədə böyük işlər görülüb, yeni qəsəbələr salınıb, məcburi köçkünlərin yaşayış və işsizlik problemləri həll olunub. Mahir Abbaszadə palatformasında nəzərdə tutulan məsələləri diqqətə çatdırıb. Deputatlığa namizəd bildirib ki, harada və hansı işlə məşğul olmasından asılı olmayara

q daima doğma laçınlılarla bir yerdə olacaq, onların hər bir problem və çətinliklərinə öz problemi kimi yanaşacaq. Səmimi mühitdə keçən görüş zamanı çıxış edən seçicilər deputatlığa namizəd Mahir Abbaszadəyə dəstək ifadə ediblər.