Mediatv..AZ xəbər verir ki, rayon sakinlərinin publika.az-a verdiyi məlumata görə, həyətlərdə yaranan gölməçələr sakinlərin küçəyə çıxmasında problemlər yaradıb.

 

Sakinlərin sözlərinə görə, sonuncu dəfə qar yağandan sonra qurunt suları həyətlərə dolub. Hər il güclü qar və yağış yağandan sonra Kürün səviyyəsi qalxır və belə vəziyyət yaranır. Hazırda rayon ərazisinə yağan güclü yağış sakinlərin işini bir az da çətinləşdirib.

 

Hazırda ən çətin vəziyyət köhnə bazarın yaxınlığında, Taleh Davudzadə küçəsində müşahidə edilir. Belə ki, həmin küçə rayonun ən aşağı ərazisi hesab olunur və qurunt suları ən çox həmin əraziyə toplanır. 

 

Zirzəmilərə dolan su bir çox evlərin divarlarında çatların yaranmasına səbəb olub.