Mediatv.AZ xəbər verir ki, görüşdə çıxış edən Qaradağ Rayon İcra Hakimiyyəti başçısı cənab Süleyman Mikayov Xocalı soyqırımı Azərbaycanın və ümumiyyətlə bəşər tarixinin ən dəhşətli səhifələrindən biri kimi vurğulayıb.

Xocalı qətliamı Ermənistanın Dağlıq Qarabağı işğal etmək məqsədi ilə apardığı işğalçılıq müharibəsinin gedişində dinc azərbaycanlı əhaliyə qarşı törədilmiş soyqırımı cinayətlərinin miqyasca ən dəhşətlisi olduğunu bildərərək bu faciənin dünya miqyasında tanıdılması istiqamətində dövlətimiz tərəfindən aparılan məqsədyönlü işlər barədə danışdı. Bu gün hər bir vətəndaş kimi Xocalılara da xüsusi diqqət və qayğının mövducluğunu söyləyərək onların acılarına hər kəsin şərik olduğunu bildirib.

Tədbir çərçivəsində onları narahat edilən problemlər ilə maraqlanıldı. Öz növbəsində Xocalı sakinləri onlara göstərilən hərtərəfli diqqət və qayğı üçün ölkə rəhbərliyinə  minnətdarlıqlarını bildiriblər.

Görüşün sonunda Qaradağ rayonu ərazisində yaşayan Xocalı ailələrinə rayon İcra hakimiyyəti tərəfindən ərzaq və maddi yardım verilib.