Şahin Bayramovun TƏMİR BİZNESİ..

Ana səhifə Bizimlə əlaqə

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Slayd / Təhsil (3-11-2021, 13:36)
Şahin Bayramovun TƏMİR BİZNESİ..

Öncə onu qeyd edək ki, 70 illik sovet dönəmində ölkəmizdə bir universitet var idi: Azərbaycan Dövlət Universiteti ( indiki BDU ).
Son 20-30 ildə universitetlərin sayı yağışdan sonra göbələk kimi durmadan artır.
Nə qədər özəl, dövlət universitetləri yaranıb. Ən dəhşətlisi odur ki, universitetlərin sayı artdıqca ölkədə təhsilin səviyyəsi aşağı düşür.
Belə ali təhsil ocaqlarından biri də Mingəçevir Dövlət Universitetidir (MDU).
Məlumat üçün qeyd edək ki, MDU müxtəlif vaxtlarda Azərbaycan Sənaye Universitetinin Mingəçevir filialı, Mingəçevir Energetika İnstitutu və Mingəçevir Politexnik İnstitutu adı ilə fəaliyyət göstərib.
Və 2015-ci ildə müstəqil MDU-ya çevrilib. Hazırda universitetdə iqtisadiyyat, mühəndislik və pedaqoji profilləri əhatə edən 23 ixtisas (bakalavriat) və 12 ixtisaslaşma (magistratura) üzrə kadr hazırlığı həyata keçirilib. 3 fakultənin, 10 kafedranın mövcud olduğu universitetdə ümumilikdə 2400-dən artıq tələbə oxuyur və 300-dən artıq müəllim çalışır.
Hətta universitetdə ictimai hesabatlılığın təmin edilməsi məqsədilə MDU-nun İctimai Nəzarət Şurası yaradılıb.
Gördünüzmü HÜSABAT-lılıq…
Amma görək universitet rəhbərliyi öz əməlləri barədə cəmiyyətə HESABAT verirmi ?
Çox təəssüf ki, universitetin adı daha çox neqativ məsələlərdə hallanır.
Məsələn universitetə yüksək balla daxil olmuş gənc qızı hicabda olduğuna görə MDU-nun rəhbərliyi dərsə buraxmır.
Bu boyda universitetin rəhbərliyi başa düşmür ki, hətta xristian ölkələrində müsəlman qızları milli geyimlərində dərsə gəlməyə icazə verirlər. Bu dünyada qəbul olunmuş normadır.
Həm də istedadlı tələbənin hicabda, yaxud hicabsız olmasının təhsilə nə dəxli var ?
Universitetin adı rektorun şəxsi kafesinin olması ilə də gündəmə gəlib. Yəni rektor öz şəxsi kafesini işlədərək tələbələrin cibinə girir.
Hələ bunlar harasıdır ?
2019-cu ildə MDU-da baş verən neqativ hallara görə, universitetin rəhbərliyi dəyişildi və Şahin Bayramov MDU-ya rektor təyin edildi.
İndi görək, Şahin Bayramov kimdir və necə gəlib rektor olub ?
Şahin Bayramov 2000-ci ildə Azərbaycan Dövlət İqtisad Universitetinin (ADİU) “Beynəlxalq iqtisadi münasibətlər” fakültəsini bitirib.

2009-2011-ci illərdə ADİU-nun Distant və əlavə təhsil mərkəzində şöbə müdiri vəzifələrində çalışıb.

2012-ci ilin noyabrından 2017-ci ilin aprel ayınadək ADİU-nun Beynəlxalq əlaqələr və proqramlar üzrə prorektoru vəzifəsində çalışıb.
2017-ci ilin aprelindən 2019-cu ilin iyul ayınadək Azərbaycan Respublikasının Təhsil Nazirliyində Elm, ali və orta ixtisas təhsili şöbəsinin müdir müavini vəzifəsində çalışıb.
Şahin Bayramovun ADİU-da Distant və əlavə təhsil mərkəzində şöbə müdiri vəzifələrində çalışmasına nəzər salaq.
Görəsən, Şahin Bayramov distant təhsil şöbəsinin müdiri olanda neçə nəfəri sorğu-sualsız universitetə qəbul etdirib ?
Axı, distant təhsilin nə olduğunu biz gözəl bilirik. Hətta ADİU-da diplom almağın neçəyə başa gəlidiyini də çoxları bilir.
Deyirlər ki, həmin məktəbdə rüşvət və saxtakarlıq toxumunu səpən Şahin Bayramovun müstəqil MDU-da hansı maxinasiyaları edəcəyi əvvəllcədən bəlli idi.
Bir daha təkrar edirik ki, Şəmsəddin Hacıyevin rektor olduğu ADİU-da distant təhsil məsələsi əsl bazara çevrilmişdi. Bunun icraçısı isə Şahin Bayramov olub.
Şahin Bayramov xeyli müddət ADİU-da prorektor olub. Görəsən, ADİU-da baş verənlərə görə, Şahin Bayramov məsuliyyət daşımır ?
Nə isə, bütün bunları qoyaq bir kənara, görək, hazırda Şahn Bayramov MDU-da nələr törədir.
Şahin Bayramov da digər rektorlar kimi kresloya oturan kimi MDU-nun binasını təmirə başladı.
Bəli, bu lənətə gəlmiş TƏMİR adı altında nə qədər dövlət vəsaitini, tələbələrin təhsil haqlarını göyə sovurmaq olar ?
Əslində bu pullar göyə sovrulmur, rektorun və onun yaxınlarının cibinə gedir.
Görəsən, universitetin təmiri bu qədərmi vacib idi, cənab Şahin Bayramov ?
Yaxşı tutaq ki, təmir vacib idi. Onda təmir məsələsi şəffaf tender yolu ilə və “Dövlət satınalmaları haqqında” qanuna uyğun olmalıdır. MDU-nun təmirində isə tenderlər şəxsi münasibətlərə görə həll olunub və üstəlik qiymətlər dəfələrlə şişirdilib. Bu isə ciddi korrupsiya əməlidir.
Təkcə 2021-ci ildə MDU “MAYA-AK İNŞAAT” MMC vasitəsilə cari təmir işləri ilə bağlı 78770 manat dəyərində müqavilə bağlayıb.
Rektordan soruşmaq lazımdır ki, niyə hər dəfə ancaq “MAYA” ilə ?
“Maya”da nə görmüsünüz, cənab rektor ?
Yazının girişində MDU-nun nəzdində İctimai Nəzarət Şurası-filan, HESABAT-zad məsələsini əbəs yerə demədik.
İndi soruşan lazımdır ki, cənab rektor, bircə dəfə təmirə xərclədiyin pullarla bağlı hesabat vermisənmi..?
Qarşı tərəfin mövqeyini dərc etməyə hazırıq. //gundelik-baku.com//