Bu sözləri Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov özünün tvitter hesabında yazıb. 

ABŞ-ın ATƏT-dəki nümayəndəsi Daniel Baerin Azadlıq radiosunun Bakı Ofisinin möhürlənməsi məsələsi ilə bağlı Azərbaycanla bağlı səsləndirdiyi tənqidi fikirlərə cavab olaraq şöbə müdiri zorakılığın, korrupsiyanın, həbslərin əsl vətəninin məhz ABŞ olduğunu deyib:

“Görünür ABŞ-ın ATƏT-dəki nümayəndəsi cənab Baerin ölkəsində baş verən hadisələrdən heç xəbəri yoxdur

Elə bir neçə gün əvvəl Senatın Kəşfiyyat Komitəsində gedən dinləmələrlə tanış olsa idi, yaxşı olardı.

Onda anlayardı ki, twitterdə yazdıqlarını oxuyanda ilk yada düşən ölkə elə ABŞ olur.

Cənab Baer qərəzli fikirləri ilə ABŞ ilə Azərbaycan arasında münasibətlərə zərbə vurmağa çalışır”