“Biz bilirik ki, bəzi yerliidarəetmə orqanlarında işləyən məmurlar öz səlahiyyətlərini genişləndirmək üçün öz tanışlarını işə götürməyə çalışırlar”.

Bunu ARDNŞ-in vitse-prezidenti Xalik Məmmədov bu gün keçirilən mətbuat konfransında deyib. O bildirib ki, bunun qarşısını almaq üçün işlər görülür: “Çalışırıq ki, bu cür hallar tamam aradan qaldırılsın. ARDNŞ-də belə halların olması yol verilməzdir”, - deyə ARDNŞ-nin rəsmisi qeyd edib.

GUNDEMİNFO.AZ qeyd edir ki, Xalik Məmmədovun bui radı birmənalı qarşılanmayıb. Çünki başqalarına irad bildirən ARDNŞ-nin vitse-prezidentinin oğlu Kənan Məmmədov Türkiyə nümayəndəliyinin rəhbəridir. X.Məmmədovun oğlunun bu qədər yüksək vəzifədə olması da təsadüf kimi qarşılanmır. Belə ki, X.Məmmədovun adı Türkiyə və Azərbaycan mediasında Fətullah Gülən camaatı ilə sıx əlaqələrdə çəkilib. Hətta bu faktlarla bağlı geniş araşdırmalar da aparılıb. Bununla belə gülənçilərin Bakıdakı Qafqaz Universitetində və digər qurumlarında da ən kiçik tədbirlərdə də belə ARDNŞ adından Xalik Məmmədov iştirak edir. Xalik Məmmədovun bu gün verdiyi açıqlaması artıq sosial şəbəkələrdə də ciddi müzakirələrə səbəb olub. Görəsən Xalilk Məmmədov qohumlarını işə götürən məmurlar deyib irad bildirdikdən sonra öz oğlunu da işdən azad edəcəkmi?