"Rüstəm Muradov İrəvana sərhəd mübahisələri ilə bağlı Ermənistanı başa salmaq üçün gedir”.

Bu sözləri Sfera.az-a açıqlamsında Qarabağdakı Rusiya sülhməramlı qüvvələrin komananı, general-leytenant Rüstəm Muradovun Moskvadakı üçtərəfli görüşdən sonra İrəvana səfər etməsinin məqsədlərindən danışarkən politoloq Məhəmməd Əsədullazadə deyib:

"Ermənistan Rusiyanın vasitəçiliyilə çalışır ki, Azərbaycan hərbçilərinin sərhəddən geri çəkilməsinə nail olsun. Məqsədləri budur ki, Azərbaycan Ordusunu sərhəddən 10-15 km. geri çəksin, erməni kəndlərinə yaxın buraxmasın. Amma Azərbaycan prinsipiallıq göstərərək buna getmir. 1975-1976-cı ilin xəritələrində sərhəd xətti haradan keçibsə, Azərbaycan da orada dayanacaq”.

Həmsöhbətimiz bildirdi ki, Moskvadakı üçtərfəli danışıqlarda hər hansı razılığın əldə olunması gözlənilmirdi: "Belə də oldu. İrəvan delimitasiya, demarkasiya prosesini siyasiləşdirir və prosesə Qərbi də cəlb etmək istəyir. Moskva görüşündən sonra Rüstəm Muradovun İrəvana səfəri Ermənistanı sərhəd məsələsində başa salmağa hesablanıb. Düzdür, Rusiya da böhranda maraqlıdır. Onlar yeni müharibənin alovlanmasını istəməsələr də, bölgədə qalıcı sülhə də maraqlı deyil.

Ekspertin fikrincə, Muradov səfəri çərçivəsində İrəvana müəyyən təkliflər verəcək: "Bu təkliflər Ermənistanın sərhəd məsələsini siyasiləşdirməməsi, prosesə Qərbi cəlb etməkdən əl çəkməsi, gərginliyin baş verməməsi istiqamətində ola bilər. Amma Ermənistanın bu təklifləri qəbul edəcəyini gözləmirəm. Seçkilərdən sonra isə Ermənistan Azərbaycanla münasibətdə stabil vəziyyətin yaranması üçün müəyyən gedişlər edə bilər”.шаблоны для dle 11.2