“Gorusdan Qafana gedən yolun bir hissəsi Ermənistanın beynəlxalq qaydada tanınan ərazisi hesab olunmur”.
Cebhe.info xəbər verir ki, bunu hakim "Mənim addımım" blokundan olan deputat Ayk Gevorkyan deyib.
O, bu gün parlamentdə keçirdiyi brifinqdə bildirib ki, yolun 21 km uzunluqda olan hissəsi Ermənistanın beynəlxalq tanınan sərhədlərindən keçmir: “Başqa sözlə desək, Azərbaycanın beynəlxaq tanınan ərazisi hesab olunur. Ancaq bu yol bir saniyə də bağlanmayıb".
Xatırladaq ki, dünən Baş nazirin müavini Tiqran Avinyan bildirmişdi ki, 9 noyabr və 11 yanvar bəyanatlarından başqa Gorus-David bəy yolu ilə bağlı da razılaşma var: "Bu yol mübahisəli ərazisidən keçir".
