Rusiya Prezidenti Vladimir Putinlə Fransa Prezidenti Emmanuel Makron arasında telefon danışığı baş tutub.
Mediatv.az xəbər verir ki, bu barədə Kremlin mətbuat xidməti məlumat yayıb.
“Telefon danışığı zamanı Rusiya, Azərbaycan və Ermənistan liderlərinin 11 yanvarda Moskvada keçiriləcək üçtərəfli görüşü ilə bağlı bəzi məsələlər müzakirə edilib”, - məlumatda qeyd olunub.
***
Yelisey sarayından bildirilib ki, Fransa Prezidenti Emmanuel Makron telefon danışığı zamanı rusiyalı həmkarı Vladimir Putinin diqqətinə Qarabağ probleminin həllində beynəlxalq əməkdaşlığın vacibliyini çatdırıb.
“Liderlər bu istiqamətdə fəaliyyətlərini koordinasiya etmək barədə razılaşıblar”, - məlumatda qeyd edilib.
Kremldən isə vurğulanıb ki, Makron Putinin “Dağlıq Qarabağın həllində fəaliyyətini gücləndirməsini” dəstəkləyib.шаблоны для dle 11.2