“Rusiya, Azərbaycan və Ermənistan rəhbərlərinin Dağlıq Qarabağla bağlı imzaladığı bəyanata yenidən baxılmasının qarşısını almaq üçün Rusiya hər cür səy göstərəcək”.
“Mediatv.az” “RİA Novosti”yə istinadən xəbər verir ki, bunu Rusiya xarici işlər naziri Sergey Lavrov deyib.
“Hazırda verilən bəyanatın yenidən yazılması, düzəldilməsi ilə bağlı hər hansı bir cəhd görmürük. Bu cür cəhdlərin baş verməməsi və uğur qazanmaması üçün hər şeyi edəcəyik”,- deyə Lavrov qeyd edib.
Xatırladaq ki, Azərbaycan və Ermənistan arasında hərbi əməliyyatların dayandırılması və tam atəşkəsin elan olunması ilə bağlı birgə bəyanat 10 noyabr 2020-ci il tarixində Azərbaycan Prezidenti, Ermənistan Baş naziri və Rusiya Prezidenti tərəfindən imzalanıb. BMT TŞ qətnamələrinə əsaslanan bu razılaşma hazırda həyata keçirilməkdədir.шаблоны для dle 11.2