Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə telefon danışıqları zamanı Qarabağ probleminin həlli üçün işçi qrupu yaradılmasını təklif edib.

Mediatv.az xəbər verir ki, bu haqda məlumatı CNN Türk diplomatik mənbəyə istinadla yayıb.

Rusiya Federasiyası və Türkiyə prezidentləri Qarabağdakı vəziyyəti telefonla şənbə günü müzakirə ediblər. Kremlin mətbuat xidmətinin xəbər verdiyi kimi, bölgədəki münaqişənin sülh yolu ilə həllinə nail olmaq üçün tərəflər əməkdaşlığa qarşılıqlı hazır olduqlarını təsdiqləyiblər.

Televiziya kanalının bildirdiyinə görə, Putin Türkiyə liderinin təklifini məmnuniyyətlə qarşılayıb; yaxın günlərdə Qarabağ böhranı ilə bağlı danışıqlar ATƏT-in Minsk Qrupunun işindən kənarda həyata keçiriləcək ikitərəfli formata çevrilə bilər.
 
Yeni qrupun atəşkəsdən sonrakı dövrdə tədbirlər üzərində işləyəcəyi və siyasi həll prosesi aparacağı bildirilir. Ərdoğan və Putin arasındakı danışıqlardan sonra hər iki ölkənin xarici işlər nazirlərinin də telefon danışıqları apardığı bildirilir.шаблоны для dle 11.2