Millət vəkili Siyavuş Novruzov da parlamentin payız sessiyasının ilk iclasında Azərbaycana qarşı edilən təzyiqlərdən danışıb. 

 Mediatv.az ın məlumatına görə, o bildirib ki, bütün bu təzyiqlər Azərbaycan ictimaiyyətini narahat edir: “Bir aydır ki, davamlı olaraq müəyyən təşkilatlar Azərbaycana təzyiqlər edirlər. Dünən də “Human Rights Watch” adlı QHT bir hesabat yayıb. Ona kim mandat verib ki, ölkələr haqqında hesabatlar yayır. Düzgün informasiyası olmayan hesabatlar yayırlar. Biz mövqeyimizi çox sərt şəkildə qoymalıyıq. Azərbaycandakı QHT haqqında böyük bəyanatlar yayır. Orada qeyd edirlər ki, həmin şəxslər qeyd şərtsiz azad edilsin. Biz onları girov götürməmişik ki? Hələ məhkəmə olmayıb. İstintaq gedir. QHT-lər haqqında qanuna yenidən baxmalıyıq. Xaricdən gələn qrantlar jurnalistlərə, partiyalara ötürülür. Həmin qrantların da bir hissəsi siyasi partiyaların aksiyalarına yönəlib”.