ABŞ-da səfərdə olan İsrailin Azərbaycandakı səfiri Rafael Harpaz və Azərbaycan səfirliyinin müşaviri Məmməd Talıbov Vaşinqton və ABŞ-ın tarixi paytaxtı olan, Amerikanın tarixində xüsusi əhəmiyyətə malik Filadelfiya şəhərlərində İsrail-Azərbaycan münasibətlərinə həsr olunmuş bir sıra tədbirlərdə birgə iştirak ediblər.

Səfir R.Harpaz Azərbaycan cəmiyyətində anti-semitizmin olmadığını, yəhudi icmasının çox sərbəst və təhlükəsiz şəraitdə yaşadığını bəyan edib: “Bütün dünya, o cümlədən İsrail üçün Azərbaycanda hökm sürən tolerantlıq nümunə ola bilər”. 

O, Azərbaycan cəmiyyətində tarixi kökləri olan tolerantlıq ənənəsinin davam etməsi və inkişafında Azərbaycan xalqının ümummilli lideri Heydər Əliyevin rolunu xüsusi qeyd edib, həmin siyasətin Prezident İlham Əliyevin davam etdirdiyini vurğulayıb.