Avropa İttifaqı ölkələrinin Xarici İşlər Nazirləri Belarusda keçirilən seçkilərin tanınmamasını təsdiqləyib və ölkə rəhbərliklərini müxalifət ilə dialoqa çağırıb.
Mediatv.az xəbər verir ki, bu barədə Avropa İttifaqının Xarici İşlər və Təhlükəsizlik Siyasəti üzrə ali komissarı Cozep Borrel açıqlama verib. “Bilirsiniz ki, seçkilərin nəticələrini tanımırıq və səlahiyyətlilərin hərəkətlərini qəbuledilməz hesab edirik. Biz xalqa dəstəyimizi bildiririk, repressiyaları qınayırıq və böhrandan çıxış yolu tapmaq üçün səlahiyyətlilərdən hərtərəfli bir dialoqa başlamağı xahiş edirik”,- deyə Borrel qeyd edib.
Borrell Aİ-nin Belarusa qarşı sanksiyalarının ən qısa müddətdə tətbiq ediləcəyini, ancaq “qara siyahı”nın hələ ki, təsdiqlənmədiyini bildirib.

“Önümüzdəki günlərdə ən qısa müddətdə təsdiqlənməsi üçün bir siyahı hazırlanacaq. Bu gün 11 Aİ ölkəsindən bunu mümkün qədər tez və sürətlənmiş prosedurdan istifadə edərək hazırlamağımızı xahiş edən bir məktub aldım, ancaq biz prosesə əməl etməliyik”, - deyə C.Borrel sözlərinə əlavə edib.шаблоны для dle 11.2