Mixail Zabelindən etiraz: Türkiyənin adının çəkilməsinin yeri yox idi

Ana səhifə Bizimlə əlaqə

Deputata məxsus olduğu deyilən şirkət 1 ildə bu qurumdan 5 milyonluq sifariş alıb

Keçmiş nazirin Azərbaycandan çıxışına "stop" qoyuldu

Mingəçevir şəhər Yaşıllaşdırma İdarəsinə “gül satan qız” kimdir? -DETALLAR

Abit Əliyevin “Xezer-Construction“ sevgisi - Bu dəfə 2,5 milyon...

Nərimanov rayonunda yaşıl şam ağaclarını niyə kəsirlər?- FOTOLAR/VİDEO

Masazırda qanunsuz tikinityə kim icazə verib?-VİDEO

Yasamalda sakinləri ölümlə üz-üzə gətirən təhlükəli vəziyyət VİDEO

Şirvanda ağacları kəsib yerində obyekt tikilir – Video

AHİK-lə bağlı İLGİNC İDDİALAR – Turniketlər axşam saatlarında niyə söndürülür?

Siyasət (30-05-2019, 09:22)
Mixail Zabelindən etiraz: Türkiyənin adının çəkilməsinin yeri yox idi

Mənim babam, atam, anam, nənəm - hamısı Azərbaycanda doğulub, mən də bu ölkədə anadan olmuşam və bu ölkədə tolerantlığın necə olduğunu bilirəm.
Mediatv.az xəbər verir ki, bunu bu gün Milli Məclisdə (MM) keçirilən “Azərbaycan Avropa məkanında” adlı konfransda deputat, Azərbaycan-Rus İcmasının rəhbəri Mixail Zabelin bildirib.
M.Zabelin deyib ki, Azərbaycanda ukraynalılar və digər xalqlar da çox rahat şəkildə yaşayır.
O, azərbaycanlıların ermənilər və Ermənistan tərəfindən soyqırımına məruz qaldığını xatırladıb:
“Burada soyqırımından söhbət gedərkən Türkiyənin də adını çəkdilər. Bura Azərbaycandır, Azərbaycandan, azərbaycanlıların soyqırımına məruz qalmasından söhbət gedir. Mən başa düşmədim ki, Türkiyəni niyə bu məsələyə daxil edirlər?! Bunun heç yeri deyildi”.
Deputat sonra Donbasa görə Avropa İttifaqının Rusiyaya sanksiya tətbiq etməsi fonunda Avropa İttifaqının Ermənistana sanksiya tətbiq etməməsinin səbəbi ilə maraqlanıb.
Polşanın Demokratiya və İnsan Hüquqları üzrə Avropa Şurasının prezidenti Yanuş Nedzvetski öz növbəsində bildirib ki, Avropada çoxları Ermənistanın işğal etdiyi ərazilərdə tarixi abidələri dağıtdığını bilmir:
“Münaqişənin həllinə daha kiçik addımlarla başlamaq olar. Məsələn, mədəni irsin qorunması, qəbul edilən qətnamələrin dəstəklənməsi bu sırada ola bilər. Azərbaycan mədəni irsin dağıdılması məsələsini qaldıra bilər. Etnik təmizləmə, əmlakın məhvinə görə kompensasiyanın tələb edilməsi də gündəmdə olmalıdır. Xırda məsələlər həllini tapsa, böyük addım atmaq olar”.
Prezident Administrasiyasının (PA) Xarici KİV və QHT-lərlə iş sektorunun müdiri Fuad Axundov qeyd edib ki, Türkiyədə minlərlə erməni yaşayır, amma Ermənistanda bir nəfər türk yaşamır:
“Hansı ölkədə soyqırımı törədilib? Qondarma soyqırımı təbliğatı böyük bir yalandır”.
Bolqarıstan Baş nazirinin sabiq müavini, Bolqarıstan Parlamentinin üzvü Rumen Qoçev deyib ki, Avropa İttifaqından Dağlıq Qarabağ münaqişəsini həll etmək gözlənirsə, bu, çox uzun müddət aparacaq:
“Biz yalnız dini və etnik məsələlər üzərində işi qursaq, nəticə əldə etmək çətin olar. Avropa İttifaqının Rusiyaya qarşı sanksiyası barədə sual verildi. Rusiyaya qarşı sanksiyalar ABŞ-ın təzyiqi ilə qəbul edilib.
Almaniya və Fransa mümkün qədər müstəqil siyasət həyata keçirmək istədilər, amma NATO və digər məqamlara görə belə müstəqil siyasət çox çətindir. Yeri gəlmişkən, Bolqarıstanın Azərbaycan və Ermənistanla yaxşı münasibətləri var. İki ölkə problemi öz aralarında həll etməlidir”.
MM-in komitə sədri Səməd Seyidov isə bildirib ki, Avropada Azərbaycana Almaniya və Fransa arasında İkinci Dünya Müharibəsindən sonra münasibətlərin çox yaxşı olduğu misal göstərilir:
“Ancaq Nünberq prosesindən sonra Almaniya və Fransa qardaş kimi yaşamağa başladı. Biz Ermənistanla müharibə istəmirik. Biz sülhdən əvvəl ədaləti istəyirik. Avropa isə ədalətdən əvvəl sülhü istəyir. Biz insanlarıq, hisslərimiz var. Ona görə də sülhdən əvvəl bizim Avropanın ədalətinə ehtiyacımız var”.
Yenidən söz alan F.Axundov Ermənistanın monoetnik ölkə olduğunu bir daha vurğulayıb:
“Ermənistanda 2000 mindən çox toponim adı dəyişdirilib. Məsələn, Xankəndi Stepanakert, İrəvan Yerevan olub”.